Активтер мен мәмілелер
2026 жылдың басына қарай KazAgroCapital Қазақстандағы сүт өңдеу және сүт өнімдерін шығару бойынша ірі кешендердің бірі болып табылатын «Агропродукт» компаниялар тобын сатып алу мәмілесінің соңғы кезеңінде тұр.
Сатып алынатын активтің құрамына Астана, Алматы және Алматы облысы, сондай-ақ Петропавл және Көкшетау қалаларында орналасқан бес өндірістік-логистикалық кешен кіреді. Бұл алаңдардың айтарлықтай өндірістік әлеуеті мен негізгі аймақтық нарықтарға қолжетімділікті қамтамасыз ететін дамыған логистикалық инфрақұрылымы бар.
Жобаның стратегиялық мақсаты — қазіргі уақытта толық көлемде пайдаланылмай отырған қолданыстағы өңдеу қуаттарын қалпына келтіру және технологиялық жаңғырту, кейіннен тұрақты пайда әкелуге қабілетті, сүт өңдеу және әлеуметтік маңызы бар сүт өнімдерін өндіру бойынша тұрақты жұмыс істейтін компаниялар тобын қалыптастыру.
Жобалық параметрлерге сәйкес, аталған өндірістік алаңдардағы жиынтық өңдеу қуаты тәулігіне 1 300 тонна шикі сүтке дейін жетуі мүмкін, бұл елдегі ең ірі сүт өңдеу кластерлерінің бірін құруға мүмкіндік береді.
Жобаны іске асыру келесілерге мүмкіндік береді:
01
4000-ға жуық жұмыс орнын құруды және сақтауды қамтамасыз ету
02
Қолданыстағы өндірістік қуаттардың жүктеме деңгейін айтарлықтай арттыру
03
Ұлттық сүт индустриясын дамытуға және Қазақстанның азық-түлік қауіпсіздігін арттыруға үлес қосу
04
Орталық Азия нарықтары мен көршілес елдерге экспорттық жеткізілімдерді одан ары өсіру және кеңейту үшін платформа қалыптастыру
Өзінің ұзақ мерзімді инвестициялық стратегиясы аясында KazAgroCapital бұл активті Қазақстанның сүт саласын шоғырландыру мен дамытуға, сондай-ақ агроөнеркәсіптік өнімдерді өңдеу бойынша тұрақты кластерді қалыптастыруға арналған стратегиялық платформа ретінде қарастырады.